SENSUS

Sensus penduduk keur dihangkeutkeun sabab rek Pemilu, patugas ngadatangan ka sawatara imah pangsiunan, ari nulis ngaran jeung alamat mah sarerea oge bener, ngan dina kolom pagawean, patugas sensus nepika nyureng-nyureng bae.

Maklum para pangsiunan teh rata-rata urut pajabat rada-rada boga panyakit The post power syndroms tea

Pangsiun A nulis: Pejabat teras (maksudna nungguan teras imah)

Pangsiun B nulis: Pangacara (maksudna pangangguran loba acara)

Pangsiun C nulis: Di Kodim (maksudna dikomando ku nu di imah, biasa balanja ka pasar)

Pangsiun D nulis: BNI (maksudna Bagian Nungguan Imah)

Pangsiun E nulis: BNI Tangerang (maksudna Bagian Nungguan Incu nu di Tangerang, dasar!)

Pangsiun F nulis: Aktivis Masjid (maksudna tugas rutin ari rek sholat berjamaah di masjid sok miheulana qomat, sabab tara aya kajadian nu qomat oge jadi imam. Can PD ngimaman. Rumasa ngambeu deui masjid teh saprak MPP, jadi niat insap rek diajar deui)

Pangsiun G nulis: Mengembangkan bakat bidang pertanian (maksudna bakat ku butuh, kapaksa macul)

Hampura saukur banyol, sok lah bales ku para pangsiunan, tamba kesel geura, yu urang ngaramekeun Web Paguyuban Wargi Sunda Medan

Wassalam
Pangsiunan, pagawean: Ngajar (maksudna Ngajarâ edog)