Kaduhung
BASA aya pertandingan maenbal antara Persib jeung PSMS, hiji oknum suporter Persib katohyan maledog salasaurang pamaen ti PSMS. Atuh harita keneh, si oknum teh ditewak ku pulisi.
Di kantor pulisi, si oknum tea dipariksa kalawan gemet.
"Saleresna mah abdi teh ngaraos kaduhung, Pa," ceuk si oknum tea mani lumengis.
"Alus, ari ngarasa kaduhung mah," ceuk pulisi nu mariksa si oknum tea. “Jadi, maneh teh enya-enya sadar, nya, yen lampah maneh kitu teh lain lampah anu matak pikapujieun?"
"Eh, sanes kitu, Pa. Abdi mah ngaraos kaduhung soteh pedah eta we... anu dianggo maledog teh beut sapatu anu abdi. Padahal eta teh sapatu weuteuh, Pa!"
Abah Téa
Tidak ada komentar:
Posting Komentar