HEUREUY BARUDAK PASANTRÉN.
Kang Mpu (dilandih kitu lantaran patuanganana demplu siga patung Cina) téh tukang azan “resmi” masigit pasantrén.
Anjeuna teu gaduh wargi, janten kulemna di lebet masigit.
Kang Mpu téh galak pisan ka barudak anu balangor, sering nyeuseulan barudak laklak dasar tipopolotot socana.
Barudak jadi “dendam kesumat” harayang males.
Kinten-kinten pukul 10 wengi kang Mpu parantos kulem di juru masigit, mani nyegrék soantena sapertos karéta hideung si Gomar.
Keteyep……keteyep….. barudak arasup ka masigit lalaunan pisan rék nyetél jam masigit.
Kajanarinakeun kang Empu ngahaleuang azan nganggo TOA
“ Allohu akbar…..Allohu akbar !!!” dst. Dugi ka tamat.
Réngsé azan, mama ajengan sumping ka masigit, namung sanés bade sholat:
“ Naha sia téh geus azan tengah peuting hah?! Ngalindur??”
“Ttttappiii…..pan tos waktosna subuh mama…”
“Subuh nanahain deuleu! Karék ogé pukul satu tengah peuting !”
Abah Téa.
Kang Deddy Setiawan
PT. Krama Yudha Tiga Berlian Motors - Jakarta
Tidak ada komentar:
Posting Komentar