SI JONI TÉA .......

Juma'ah kamari di masjid Cisomang, Cikalong.
Geus pukul dua welas saparapat can aya kénéh anu adan.
Cenah mah alatan mang Sarkawi tukang adan resmi, nuju teu damang.

"Saha anu tiasa adan ?", mama ajengan naros.
"Geus, aing lah........pira ogé adan....." ceuk si Joni maju.

Si Joni téh katelah budak baong, préman pasar.
Hadirin marolohok mata simeuteun.....teu nyangka.
Ceuleungkeung si Joni adan........ alus naker !

"Haayya allasshhoolllaaaaahhh....!"

Celetuk aya budak ngaharéwos ka baturna :

"Gening bisaeun nya si Joni téh adana "

Sigana mah kadéngéeun ku si Joni nu keur adan, pék ngomong bari agul :

"Si Joni téa atuh ! Tibubudak ogé geus bisa !" ceuk si Joni nyelang heula.

Atuh geumpeur saréréa da kana speaker masjid !

Abah Téa