Menu Baru Web PWS Medan

Bergabunglah dengan Paguyuban Wargi Sunda versi FaceBook , dapatkan info PWS terbaru , Jangan lupa DOWNLOAD File berbentuk Powerpoint ( pps ) dari web ini , dan semuanya tentu saja Gratis untuk anggota dan pembaca setia Web PWS - Medan , Haturnuhun
Myspace tweaks at TweakYourPage.com

Sabtu, 13 Desember 2008

Si Kabayan kaanjangan Besan

Si Kabayan bebesan jeung urang Sebrang Hiji waktu si Besan ngabejaan yen rek datang ka lembur si Kabayan pikeun silaturahmi. Puguh we si Kabayan mani tihothat rumasa manehna teu lancar lamun kudu ngomong basa Indonesia da tangtuna teu mungkin atuh ari si besan ngomong basa indonesia dilayanan ku basa sunda, moal nyambung pikirna atuh tah silaturahim. .

Keur ngarengsekeun masalah , Si Kabayan maksa anakna si Itok sangkan manehna daekeunmere kursus kilat Basa Indonesaia. Si Itok deui ngan saukur nepi ka kelas opat SD nya kapaksa ngursus bapana sabisa-bisa jeung sakapanggihna

Mani getol tur imeut pisan Si kabayan kursusna, teu karasa geus tilu minggu manehna jadi murid dadakan.anakna.

Cunduk kana waktu ninggang kana mangsa, sakadang Besan geus datang ka imah si Kabayan. Barang srog ge, mani giak si Kabayan ngabageakeun Besan-na, pokna :

“ Alhamdulillah San euy, bagaimana kabarnyah pada sarehat semuanyah?” bari sor ngajak sasalaman “ Hayoh lah san jangan mengunjungi orang lain lah di rumah sayah mah “ mani darehdeh pisan si Kabayan nyambut besan..

“ Baik baik Pak kabayan “ jawab si Besan bari rada kerung, sigana aya basana si kabayan nu teu kahartieun

“Mohon maaf pak Kabayan kalau saya bawa keluarga agak banyak ini, maklum katanya mau ketemu dengan Pak Kabayan. “ ceuk si Besan sasadu

“Tidak apah-apah atuh san, mau saabreg juga riang saja yang ada sayah mah”jawab si Kabayan .

Semah diaku di tengah imah nu geus diamparan samak ti kamarina keneh. Ditengah imah geus pinuh ku susuguh mani ngalayah bubuhan kadatangan tamu istimewa meureun .

“Mangga San bebas saja di tempat diam sayah mah, mau duduk melipat kaki mau duduk meluruskan kaki terserah besan pokonya bagaimana enaknya sajah “ ceuk si Kabayan mani darehdeh pisan.

Bari ngobrol si Kabayan teu poho nawarkeun opieun “ Sok San mangga dienakan ini nih yang namanya Burayot, atau yang itu tuh katimus, enaknya dimakan sama air the panas ada oleh tegap geura” ceuk si Kabayan mani pok deui pok deui hayang ngaku meureuen tidituna mah.

Ari Si Besan nu satengah teu ngarti ngan ukur bisa ngomnong : “ Iya ..iya Pak Kabayan “

“ Mau berapa hari atuh besan disini , sudah buat meng rereb mah disini juga laluas ieuh, cuman harus waktunya sayah tidak bisa mengaku dengan secara merenah dan me-nyugemakan besan, da puguh di kampung itu tidak seperti keadaan di kota,lin?” ceuk si Kabayan deui .

Diomongan kitu si besan mimiiti haruwas harewos ka bojona tayohna teu ngartieun naon nu diomongkeun ku si Kabayan, ngan ukur bisa ngomong : “ Iyah ..Iyah Pak Kabayan “

“Sudah san tah besok atau hari setelah besok ke ku sayah besan diajak mancing ikan di kolam alam kecil dan dalam , bangsanya deleg-deleg mah banyak geura” pok deui si Kabayan ngomong bari teus nyambung : “ wah pasti besan riang cepat, memancing disanah mah cepatmasuk keair mengiriwil atawa masuk ke air mengkunyunyud, atuh sebaliknya dari sana ayo kita mengundeur lalab-lalaban sarupaning daun kecilnya kates ubi ketela kacang panjang dan sebangsanya” omong si Kabayan mani PD pisan ngomong maka basa Indonesiana .

Lila lila si Kabayan ngarasaeun oge si Besan siga nu teu ngartieun kana omongan manehna, tidituna mah rek mere justifikasi ka si kabesan atuh pok manehna ngomong : “ Aduh San mohon di hapunten yah kana segala kelepatan, kalau bahasa Malayu sayah amburadul begini, ini juga hasil kalah tidak dalamnya si Itok yang terpaksa memberikan kursus kilat kepada sayah” pokna tidituna mah sasadu leuwih bener nerangkeun.

Beuki lila obrolan antara si Kabayan jeung Besan nu tadina aya komunikasi dua arah ayuena ngan kari komunikasi satu arah nyaeta ngan si Kabayan we nu nyorocos maka basa Indonesia versi manehna, ari si Besan beuki lila jadi silent audience alaias jadi pendengar yang baik tea da eta meureun beuki lila beki lieur ngabandunganana.

Geus cag ah dongengna nepi kadieu we bisi dulurs tambah lieur macana , tapi bisi dulurs rek nambahan mah sok we lah da teu mayar ieuh, ngan omat kudu mere tarjamahna nya!

Tah ka dulurs nu sanasib jeung Ki Besan, akang rek ngajak noong tah kana peperenian si kabayan nu ngarupakeun catetan hasil kursus kilatna ti si Itok, Tah dihandap ieu.

jangan mengunjungi orang lain = nyemah

riang saja yang ada= atoh we nu aya

di tempat diam = di panganjrekan

duduk melipat kaki = diuk sila

duduk meluruskan kaki = diuk sidengdang

dienakan = diraosan

ada oleh tegap = aya ku tegep

mengrereb = meuting

laluas = lalega

harus waktunya = kudu wayahna

bisa mengaku = bisa ngaku

hari setelah besok = pageto

kolam alam keci dan dalam = leuwi

riang cepat = atoh geura

masuk ke air mengiriwil rusuh = clom giriwil

masuk ke air mengkunyunyud = clom kunyunyudl

mengundeur = ngundeur, metik lalab

daun kecil = pucuk daun

kalah tidak dalam = eleh deet

Wa Aang

Tidak ada komentar: