CEULEUKEUTEUK

BAHAN BOM

“Yeuh manéh geus nyaho henteu béja ikhwal SPBU anu di peuntaseun kantor pulisi?”
“Encan. Na kunaon kitu?”
“Enya, kanyahoan nimbun jeung ngajual bahan bom rancangan urang Rusia”
“Gening teu di ségel ku pulisi?”
“Henteu, da cenah mah teu ngalawan aturan hukum”
“Gening?”
“Da bénsin mah perelu keur mobil jeung motor”
“Oh….bahan bom Molotov…….”

DI PERPUSTAKAAN

Kriiiiiiiing..........harita téh kira-kira jam 2 peuting telpon disada di imah kapala perpustakaan.

"Halo, punten pa. Badé naros, perpustakaan téh bukana jam sabaraha ?"
"Ieu téh jam 2 peuting, kuring keur saré, lain wayah nananyakeun nu kitu deuleu !", ngambek.
"Tapi ieu penting pa"
"Jam 10 isuk-isuk bukana !"
"Henteu tiasa langkung énjing deui pa ?"
" Naha manéh maké kudu datang isuk-isuk pisan ? Pira gé nginjeum buku !"
"Sanés badé nambut buku pa, abdi ayeuna kakonci dilebet perpustakaan pa !"

Abah Téa

Kang Deddy Setiawan

PT. Krama Yudha Tiga Berlian Motor - Jakarta