Menu Baru Web PWS Medan

Bergabunglah dengan Paguyuban Wargi Sunda versi FaceBook , dapatkan info PWS terbaru , Jangan lupa DOWNLOAD File berbentuk Powerpoint ( pps ) dari web ini , dan semuanya tentu saja Gratis untuk anggota dan pembaca setia Web PWS - Medan , Haturnuhun
Myspace tweaks at TweakYourPage.com

Kamis, 14 Agustus 2008

CEULEUKEUTEUK


SENDAL

Uwa ajengan nuju ngarambét di tengah sawah teu tebih ti golodog dapur bumina.
Anjeuna peryogi bérak, kabeneran aya si Sarmad salah sahiji santrina anu rada bengal.

Uwa Ajengan : "Sarmad kabeneran manéh kadieu. Cik mangméntakeun bérak embé ka mang Sarkawi di lebak, sakalian panginjeumkeun koréd".


Si Sarmad : " Mangga uwa ajengan, mung sendal abdi pegat, tiasa nambut sakedap ?".

Uwa Ajengan : "Cig nginjeum ka Engkom, tuh aya di goah".

Tuluy si Sarmad leumpang ka goah bumina uwa Ajengan.

Si Sarmad : "Sampurasun.."
Engkom (istrina uwa Ajengan anu pangorana tur geulis urut baturna si Sarmad) : " Rampés".

Si Samad téh sabenerna rada naksir ka Engkom téh, kabeneran di goah euweuh sasaha deui iwal Engkom jeung si Sarmad.

Si Sarmad : "Ku uwa Ajengan dipiwarang nyium pipi Engkom".

Engkom teu percaya salakina nitah kawas kitu, nya "confirm" lah ceuk urang KTB ( Krama Yudha Tiga Berlian ) mah,

Engkom : "Pa, leres ieu téh ? ", bari ngagorowok ti golodog.

Uwa Ajengan : "Heueuh... ditukangeun panto". (maksudna sendal anu di tukangeun panto).

Dasar Engkom ngora kénéh nurut pisan ka Uwa Ajengan anu wibawa, nya 'sendal' téh dibikeun tapi nu kénca wungkul.
Sanggeus si Sarmad nyium pipi kénca, pok si Sarmad nyorowok ti golodog goah,

Si Sarmad : "Uwa Ajengan, gening ngan dipasihan sabeulah ? ".
Uwa Ajengan : "Engkom, piraku sabeulah, béré sabeulah deui ! "

Abah Téa
PT. Krama Yudha Tiga Berlian Motor
Jakarta

Tidak ada komentar: