CEULEUKEUTEUK

BARAMAÉN

Disalah sahiji jalan aya opat baramaén nu api-api cacad.

Baramaén 1 : "Pasihan kulan, abdi jalmi teu ningal !"
Baramaén 2 : "Sidkahna Juragan, abdi jalmi teu ngadangu !"
Baramaén 3 : "Bapa,Ibu sing hawatos, abdi jalmi lumpuh !"
Baramaén 4 (béakeun alesan) : "Sing hawatos Adén, abdi teu tiasa ...nyarios !"

SAGELAS

"Sagelas cikopi dicampurkeun kana sagelas cisusu jadina kumaha ?"
"Jadi kopi susu !"
"Jadi coklat !"
"Salah kabéh ! Nya.. mudal atuh !"

TAMBA NUNDUTAN

Mang Ibro tukang gula beureum keur nundutan lantaran ti isuk kénéh
euweuh nu nawar-nawar acan, komo meuli.

"Mang sabaraha gula téh sabonjorna ?"
"Sarébu Dén !", ngarénjag kagareuwahkeun, tapi rada atoh.
"Ah, mahal teuing mang !"
"Atuh sawios limaratus ogé Dén, étang-étang panglaris ! Badé sabaraha bonjor?"
"Ih.... da lain rék meuli kuring mah. Éta baé karunya ku emang, ngajak ngobrol, tamba nundutan!"

Abah Téa.