CEULEUKEUTEUK

TEU APAL-APAL.

Susan receptionist hiji-hijina di gubernuran.
Manéhna boga tugas kudu nyatet identitas unggal tamu anu datang.
Ibu Titin geus ka opat kalian datang ka kantor gubernur éta, unggal datang pasti ditanya deui ditanya deui identitasna ku Susan.

Sabenerna Susan lain teu apal ka identitas ibu Titin, ngan bisi salah, jadi nanyakeun terus unggal ibu Titin datang, maklum réa tamu.
Ibu Titin lila-lila mah keuheul ogé ditanya terus unggal datang ka dinya.

Hiji waktu di palataran parkir gubernuran Susan paamprok jeung ibu Titin.
Basa-basi si Susan negor ibu Titin:

“Assalamu’alaikum bu Titin” ceuk si Susan.
“Wa’alaikum salam. Ibu salut anjeun apal kana ngaran kuring” ceuk ibu Titin.

“ Naha kitu bu?”
“Ibu mah keuheul ka receptionist anu di jero kantor. Manéhna mah teu apal-apal kana ngaran kuring !”

ISTIMEWA

Ari : "Kasur jeung anggel téh bahana sarua tina kapuk lain. Tapi kunaon ari saré dina
kasur masih kénéh dianggelan ?"
Ara : "Biasa. Ari kapala mah sok hayang diistiméwakeun !"

SALAH NGAHARTIKEUN

Ki Ibro jeung si Ju'i keur uplek ngobrolkeun kaayaan ayeuna bari ngadéngékeun radio di pos ronda tukangeun masigit. Kabeneran harita téh keur nyiarkeun laporan langsung démo di istana nagara.

Démonstran : " Turunkan BBM !, turunkan BBM !"
Anu di démo : " Saudara jangan ikut campur urusan pribadi saya. (B)erat (B)adan

( sora awewe ) saya adalah urusan pribadi saya. Walau badan saya gemuk, tetapi bukan hak saudara untuk menurunkannya !".

Ki Ibro : " Euh ari kitu mah sigana salah ngahartikeun. Paingan atuh harga BBM teu
turun-turun ! Sigana mah tersinggung si ibu téh."
Si Ju'i : (molohok teu ngarti)

Abah Téa.

Kang Deddy Setiawan

PT. KTB - Jkt