CEULEUKEUTEUK

SAHA NU MEUNANG ?

Dina KA Bandung – Surabaya aya professor jeung patani anu diukna pahareup-hareup.

“Pa. Ambéh teu kesel, kumaha lamun urang tatarucingan?” professor ngajakan patani.
“Mangga, namung pendidikan abdi mah ngan dugi ka SD”
“Kieu atuh, lamun anjeun bisa ngajawab pertanyaan kuring, kukuring dibayar Rp 100.000,-“
“Teras?”
“Tah, sabalikna, lamun kuring bisa ngajawab pertanyaan anjeun, anjeun kudu mayar Rp 10.000,-“
“Ari kitu mah adil pisan, satuju lah”

“ Pék pertanyaan anjeun heula”
“Saha anu lumpatna tiasa nyusul ieu KA?”
“Ah, teu nyaho”, kusiwel professor mikeun Rp 100.000,- ka patani.
“Nuhun prof”
“Tapi, saha sih anu bisa nyusul ieu KA?” professor nanya panasaran.
“Abdi ogé teu terang prof”, kusiwel patani mikeun Rp 10.000,- ka profesor.

PÉCI MAWA REZEKI

Sardun : " Hébring yeuh péci kuring mah, mawa rezeki".
Sarkim : " Kumaha nyah caritana ?"
Sardun : Yeuh, basa kuring ka dayeuh, kuring rék asup ka toko, péci na ku kuring
diteundeun di luar. Na éta mah waktu kuring kaluar ti toko, péci kuring geus
pinuh "
Sarkim :" Sabaraha rébu nyah ?".
Sardun : Lain sabaraha rébu, ieu mah pinuh sotéh ku laleur !"

Abah Tea

Kang Deddy Setiawan

PT. Krama Yudha Tiga Berlian Motors

Jakarta