CEULEUKEUTEUK

IKAN HIAS

Eneng: "Ku naon tadi maneh Nung, basa di pasar parea-rea omong jeung tukang ikan hias?"

Enung: "Sebel tuda ngahina, taya rasrasan ka pantar parawan kieu!"

Eneng: "Pedah naon kitu?"

Enung: "Cek tukang ikan hias, mun beuki nongnong, loba nu mikaresep jeung hargana ge mahal pisan!"

Eneng: "Rumasa teu? Jeungna deui maneh mah Nung henteu nongnong, ngan tarang rada leuwih ka hareup!"

Enung: "Puguh Enung ge era, hanas ngesek-ngesekeun."

Eneng: "Ari kitu?"

Enung: "Tukang ikan hias teh lain ngomongkeun Enung, eta cenah nawarkeun Lou Han ka nu rek meulina!"

ANEH TAPI NYATA.

Basa Sunda mah sok araraneh, teuing kumaha baheulana, coba bae tengetkeun:

Kecap anu ditungtungan ku ‘ol’ biasana boga harti ‘kaluar’ atawa ‘buleud panjang”.
Contona: borojol, nonghol, kohkol, pestol, botol, odol, dodol, morojol, benjol, brol,

Kecap anu ditungtungan ku ‘it’ atawa ‘ik’ biasana boga harti ‘leutik’
Contona: alit, bintit, leutik, camperenik, rikrik, pelit, sulit, irit, murilit, sipit,

Abah Tea