CEULEUKEUTEUK

BAN MOTOR

Sanip : " Ku naon sababna ban motor nu tukang leuwih gancang gundulna tibatan nu hareup ?"
Sakin : " Téorina ban tukang leuwih beurat nahan panumpang, jaba diputer ku mesin"
Sanip : " Tong téori-téori teuing lah ! Sababna mah ban tukang hayang ngudag ban
hareup, tapi teu ka udag baé, jadi wéh gundul".
Sakin : " Na kitu ? "
Sanip : " Tuh tingali para bos di Bank Crupt! Ambisi hayang ngudag jabatan, jadi wéh garundul !"
Sakin : " Enya nya, urang mah biasa-biasa wéh jadi jelema téh, tong kokomoan teuing, tong ngarawu ku siku hirup téh. Kudu narimakeun nikmat Alloh".

LALAJO

Deddy : "Pén, urang lalajo ju ! "
Pépén : "Ka mana ? "
Deddy : "Ka Alun-alun"
Pépén : "Manéh nu mayar karcisna nya ?"
Deddy : "Béréslah soal biaya mah ditanggung"
Pépén : "Naon judul pilemna ? "
Deddy : "Lain lalajo pilem si ! Lalajo tukang obat !"
Pépén : "Jig indit sorangan !!"

Abah Téa.